عاملين اية ياقمرات
كل عام وانتم بخير وبصحة وسعادة
النهردا جيبالكم حتة اكلة من اكلات احلي شيف في الدنيا الشيف يسري
لسة عاملها النهردا وبجد رووووووووووووووعة
الاكلة دة كانت مع صوص زبدة الفول السوداني
بس انا حسيت ان ممكن الاستغناء عن الصوص دة لان معنديش مكوناتة
لانة بيتكون من حليب جوز الهند وزبدة الفول السوداني وبصراحة مكنتش عندي الحجات دة
وكنت حابة اقوم اعملها فورا
وفعلا الاكلة طلعت روووووووووووعة من غيرة وهتشوفوا بنفسكم
ندخل بقي علي المقادير
3 صدور دجاج مقطعين طوليا ونضعهم في خلة الشيش طاوق
معلقة كركم
معلقة كثبرة ناشفة
2معلقة سكر
معلقة صويا صوص
2فص ثوم مفروم
4معالق زيت ذرة او زيتون
ملح وفلفل
انا ضفت من عندي معلقة كاري
ومعلقة زعتر
هنحط (كركم +الكثبرة+السكر+صويا صوص +الثوم +ملح وفلفل+الكاري+زعتر)
هنتبل الفراخ بالتتبيلة السابقة ونسيبها علي الاقل 1/2 ساعة
هنحطها تحت الشواية لحد ما تحمر ثم نقلبها علي الوجة الاخر
ودة بعد ما خرجت من الفرن
قدمتها مع الارز البسمتي بالكركم والمكسرات
واتفضلوا معانا
اية رايكم بقي
يارب تجربوها وتعجبكم
بس امانة عليكم متخرجوش الا لما تدعولي