سكويت البطاطا للشيف يسري في منتهي الروعه
- قشري البطاطا وقطعيها مكعبات واسلقيها
- حطي السكر في العجان ( ركبي الكف ) أو اعملي بأيدك
وضيفي عليه الزبده واخلطي لحد ما يتجانس مع بعضه (لحد ما الزبده تكون شربت
السكر )
- اخلطي الدقيق مع البودر وضيفيه علي السكر والزبده
- ضيفي اللبن والبطاطا واخلطي لحد ما تعمل عجينه متماسكة وسيبها تستريح شويه (حوالي نصف ساعة )
- افردي العجينة علي شويه دقيق بالنشابة ( حطي دقيق من فوق وتحت عشان تبقي سهله في الفرد ) وقطعيها بأي شكل تحبيه علي ارتفاع نصف سم
- ادهني الصينية بماده دهنيه بسيطة ورصي البسكويت ودخليها الفرن درجه حرارة 180 لحد ما تستوي ( تاخدي بالك منها مش بتاخد وقت كتير ف السوا )
- سيبيها تبرد وادهنيها بالمربي وحطي فوقها واحده تانيه ورشي عليها سكر بودر وقدميها أو رشي سكر بس أو ممكن تقدميها ساده
ملحوظة
- لو كميه الدقيق طلعت قليله ضيفي لحد ما تعمل معاكي عجينه متماسكة لان الدقيق ساعات بيختلف
- أنا مكنش عندي زبده ضيفت بدالها معلقه سمن ومعلقه زيت وطلعت حلوه
- خدي بالك من قعر البسكويت وهو في الفرن عشان ميتحرقش منك
- ممكن تقطعي بطبق مدور أو فنجان أو لو عنك قطاعه الدونات قطعي بيها
- ممكن تخبزي علي 200 درجه بس تاخدي بالك لتتحرق
جربي ............وصدقيني مش هتندمي