وحشتوووووووووووووووني يا احلي فتوكات
والله لو انتي شايفة كده ماشي
في فتوكاااااااااااااات كتير زعلو مني لما اختفيت من الجروب شويه
بس بيكون غصب عني ودايما متابعه رسايلكم واستفسارتكم
وانا مش هغيب كده انا بحضرلكم شويه مواضيع كتير هتعجبكم وهتفيدكم اوووووووووي بأمر الله
من ضمنهم بقالي كم يوم بعملكم سرش في المواقع الاجنبيه عن السر الحقيقي للشعر الهندي وياريت نركز شويه علي كلمه
الحقيقي دي
ليه بئه انتشرت اوي كتابه مواضيع سر شعر الهنديات ووصفات وصفات وحجات غريبه والبنات تجرب
والحجات دي معظمها اه وصفات بس ملهاش علاقه من الاساس بالشعر الهندي
بصو يا قمرات اول حاجه جوزي كان مسافر شغل فالهند
بيقولي عاوزه ايه من هناك
قلتله مش عاوزه غير سر الشعر الهندي
واعرف الزيوت وكل الاسرار عن شعرهم
ده كل طلبي شوفتو انا قنوعه ازاي سر شعر الهنديات الحقيقي وابحاث عن الشعر موضوع غايه فالاهمية
اول حاجه حقيقه من الهنديين نفسهم
ان جوز الهند بيكون في معظم غذائهم
يعني اي اكل لازم يكون معاه جوز هند وشوربه جوز هند وحجات غريبه المهم يكون فيها جوز هند
غير كده الشطه الرهيبه
ومعروف طبعا فايده جوز الهند وفوائد الشطه للشعر
بالاضافه لزيت جوز الهند وشرب ميه جوز الهند المفيده جدااااااااااااا مش للشعر بس لحجات كتير في الجسم
تاني حاجه زيت دابر املا الهندي
وللاسف كل اللي موجود هنا بيكون مكتوب عليه
dabur india ltd
new delhi ,india
او بترخيص من دابر انديا نيودلهي الهند
صنع في الامارات
او صنع في مصر
وفي ناس كتير بتفرح او ما تلاقي مكتوب ترخيص من الهند
بس الصدمه لما تلاقي صنع في مصر او الامارات
مش هو ده يا قمره اطلاقا مكوناته الصحيحه الهندي الاصلي
اه بترخيص بس مش هو هو
يبقي نراجع مع بعض
جوز الهند
زيت جوز الهند
الشطه
زيت دابر املا الهندي
بالاضافه لزيوت شهيره عندهم زي دابر املا
انا بئه كملت البحث في المواقع الاجنيه
ومن الهنديات بنفسهم كتابه مواضيع وتجارب
هنقلكم بعض اللي قريته
سر شعر الهنديات الحقيقي وابحاث عن الشعر موضوع غايه فالاهمية
قريت واحده كاتبه عن زيت جوز الهند ده اساسي في اي حاجه قريتها
وزيت السمسم والجوجوبا
والجوجوبا خدو بالكم ليها اسم علمي هو (سيموندسيا تشاينيسس ) وبيسموها كمان الذهب الاخضر لفوائدها المبهره
وكاتبه انها بتغسل شعرها مرتين فالاسبوع
واكل الاسماك والوجبات المتوزانه
ولو ركزنا هنعرف يا جماعه ان لو حطيتي في شعرك ايه حتي من غير غذاء صحي عمرك ما هتوصلي لنتيجه
واللي بيزعلني اوي اننا في مصر او الدول العربيه بنعتمد اكتر علي الفيتامينات جنب اي عنايه لشعرنا
علشان اكلنا كله معظمه غير صحي ولا متوزان
المهم نكمل مع بعض
وفي موضوع تاني عن زيت جوز الهند والخردل وبذور السمسم
ودقيق الفول للشعر والبشره
بس بصراحه مفهمتش دقيق الفول ده يعني نطحن الفول ولا نعمل ايه بس واضح ان مفيد للشعر والبشره علشان هقولكم الوصفه الجايه دي
كاتبه ان افضل وسائل للعنايه فالهند
استخدام اللبن الرايب وخشب الصندل الاحمر ودقيق الفول والعسل والكركم
وماء الورد والليمون للعنايه بالبشره
وكمان كاتبه عن تناول وجبه متوازنه وشرب الماء كتير
وفي بحث تاني للشعر الصحي بيقول
سر شعر الهنديات الحقيقي وابحاث عن الشعر موضوع غايه فالاهمية
ان غسيل الشعر كل يوم بيسرق الزيوت الاساسيه ويجفف فروه الرأس
وغسل الشعر الصحي يكون مره كل يومين او ثلاث ايام
ولو شعرك زيتي او دهني تجيبي بخاخ في ميه وتستخدمي علي جذور الشعر بس بلاش غسيل كل يوم وشامبو كل يوم
ولو عاوزه تعمليه كحكه اعمليه كحكه فضفاضه
وكمان الشامبوهات او الكريمات اللي بتحتوي علي مواد كيمائيه او بتروليه كتير بتترسب في فروه الراس
وتسبب التساقط
ياريت نركز اوي في الجزئيه دي
عاوزين وصفات هنديه بجد
دي وصفات من ولايه كيرلا بالهند
سر شعر الهنديات الحقيقي وابحاث عن الشعر موضوع غايه فالاهمية
اولا الزيوت المهمه اللي كاتبين عنها زيت جوز الهند ده شيئ اساسي
وزيت الخروع وزيت فول الصويا وزيت الزيتون
بس اللي فهمته انهم بيفضلو تسخين الزيت علشان يكون افضل واعتقد علشان يفتح المسامات
بس مش تسخين حتي الغليان طبعا لا تسخين بسيط
مكتوب ان ده الاسلوب في ولايه كيرلا تسخين الزيت وليس الغليان
واحيانا بيستخدمو حبات الذره او الارز في التسخين اول لما بتطفو عالسطح بتطفي النار
اول وصفه وصفه اوراق الكاري
اللي بتساعد علي التخلص من القشره وتحمي الشعر من التساقط
واوراق الكاري بتتغغل في فروه الشعر وتعززه وتحافظ عليه وهو نبات غني بالبروتينات
طبعا هتقولولي نجيبها منين وازاي لونها اخضر والكاري اصفر شويه
هقولكم نسئل ويارب نلاقيها بالنسبه للونها الي بتشوفيه فالتوابل بيكون لونها كده علشان بتتخلط مع الكركم
المهم مكتوب طريقتين
طريقه للكسولين وطريقه تانيه افضل ابتسام جميل
طريقه السيده الكسوله
بتجيبي الزيت ويفضل زيت جوز الهند وتسخنيه وبعدين تضيفي ورقتين كاري ودقيقتين وتطفي وتسبيه يبرد
وتستخدميه ربع ساعه عالشعر مع التدليك وبعدين تاخدي شاور
او ممكن تستخدميه كزيت عادي بدون غسيل
ولو الجو حار مش بيتسخن الزيت
ممكن تدفي بس
ومش بيتحط في التلاجه
الطريقه الافضل
بتجيبي اوراق الكاري تغسليها كويس وتسبيها فالشمس
وبعد كده تنشف بطتحنيها
وتحطيها عالنار وتضيفي في ساعتها الزيت عليها
بتدفيه شويه وتستخدميها
دي طريقه الكاري
الطريقه التانيه ازهار و اوراق الكركديه
الكركديه عندهم شيئ اساسي في تغذيه الشعر ومساعده علي نموه ومنع القشره والتساقط
وكمان بيعملو شامبو بيه
المشكله ان الوصفه لازم تكون بالزهره مش عارفه ينفع نستخدمها بالكركديه العادي بتاعنا ولا لاء
ومعلومه كمان الكاركديه فوايده لا تعد
وكمان بيتاخد اللون الطبيعي بتاعه بيتصنع منه مستحضرات تجميل ويدخل في صناعه الادويه
لانه لون طبيعي مش صناعي
وبيتصنع منه شامبوهات مفيده جدا
المهم نكمل الوصفه
بتجيبي 5 زهرات وتضربيهم فالخلاط مش لازم توصليهم انهم يكونو عجينه
وتجيبي الزيت المفضل ليكي وبيرشحو جوز الهند وتدفيهم علي النار
وبرضو بتستخدميه بنفس الطريقه السابقه
في وصفه تانيه وهي نبات التولسيبرضو مع الزيت بنفس الطرق السابقه
بس للاسف مش معروف هنا
بتستخدم لو
الفروه فيها دمامل او جروح او التهابات
وفي وصفه تانيه مفيده جدا برضو
ا كوب زيت جوز هند
1 كوب حليب جوز الهند الي هو الميه اللي بتكون في جوز الهند لما تتفتح
مسحوق الالوفيرا
ومسحوقين تانين للاسف مش معروفين التولسي والبرهومي
برضو بتدفيهم وتستخدميها
كمان في وصفه زيت زيتون وبتقول لو حاسه انه تقيل استخدمي نوع اخف
بتجيبي 3 معالق زيت زيتون معلقه عسل وتدلكي فروه الراس
واحده تانيه بتجيبي 3 معالق زيت زيتون و ليمونه وتدلكي الراس
واحده تالته 3 معالق زيت زيتون ومعلقه خل وتدلكي الراس
واعتقد اخر اتنين دول للقشره
جزء من بحث
سر شعر الهنديات الحقيقي وابحاث عن الشعر موضوع غايه فالاهمية
انك تضيفي الشاي المغلي لماء الاستحمام هيضيف لشعرك الحيويه واللمعان
وتستخدمي صفار بيضه وقليل من الحبه السوده اللي هي حبه البركه والسمسم
لتساعد علي نمو الشعر
وبعدها تغسلي الشعر بماء دافيء مش سخن اوي تستخدميها مره في الاسبوع
حاجه تانيه تساعد علي نمو الشعر
تعمليها كل يومين
مزيج من التوت الاسود والبيض وزيت السمسم
بالاضافه ان زيت اللوز مفيد جدا للشعر بصفه عامه
وهناك طرق غير مباشره تساهم في نمو الشعر وهي الغذاء الصحي المتوزان
وشرب المياه والنوم الكافي والخضروات والفواكه الطازجه
بالاضافه ان التدخين يؤثر سلبا علي اطاله الشعر
ويجب ان تبتعدي عن التوتر والضغوط النفسيه
وكمان تئكيد ان فرشاه الشعر لها علاقه وثيقه في نمو شعرك
لازم تكون مناسبه مع شعرك
يعني المجمل اللي نطلع بيه من الموضوع
الناس دي كل اعتمادها علي الغذاء الصحي والطبيعه من زيوتها ونباتتها
ابسط الحجات معاهم بتجيب نتايج لان البنيه الاساسيه من الغذاء والفيتامينات موجوده
حتي ابسط الحجات اللي قريتها انهم لما بيستخدمو حمام زيت بيستخدمو فوطتين دافين
يشيلو واحده يحطو التانيه علي طول
مش زينا لازم سشوار او بونيه حراري
لا حجات بسيطه جدا ونتايجها زي ما بتشوفوهم
معظم اللي قريته كاتبين الغذاء الصحي شرب الميه النوم الكافي
مش بيصبغو شعرهم ولا يفردو
هاتولي فتوكه عمرها ما صبغت ولا فردت غير قله قليله ابتسام جميل
بجد يا جماعه لكل حلم خطه ولو الخطه بتاعتك محكمه هتوصلي للي انتي عاوزاه واكتر بأمر الله
يعني مش بكتر الوصفات علي الشعر
لازم الاول تهتمي داخليا قبل خارجيا
ولازم تتئكدي ان الوصفه دي مناسبه مع شعرك ولا لاء
واخيرا وليس اخرا ابتسام جميل
في مقوله بتقول حبي عيبك الناس تحبه
لو حاسه ان شعرك في كل العبر
حبيه علشان يحبك والناس تحبه
مجرد ضغط اعصابك ان شعرك مش مريحك ده في حد ذاته هيسببلك تساقط ومشاكل
اعترفي ان الطبيعه هي الافضل ابتسام جميل
شعر طبيعي بدون صبغه ولا فرد علي طبيعه ربنا مع الاعتناء والغذاء الصحي
هيكون احسن من شعر مفرود والفرد حارقه ومصبوغ ومقصف من التقصيف
