سلام الله عليكم يااحلى فتوكات....ات...ات
اولا كل سنه وانتوا طيبين...ويارب اللى نفسه فى تتحقق
النهاردة ياحلوين وزى ما انتوا عارفيت زهأنا من الطبيخ والمحشى ....قلت اعمل شاورمة...ولادى بيحبوها
جبت اللحمه وقطعتها شرايح طويله وبيتها فى خل وبصله مفرومه
وبعدين النهاردة صفتها من الخل واديتها غسله سرعه
وبعدين بدات اشوح اللحمه فى حته سمن وبعدين عشان الانجاز واهنا ما تاخدش وقت حطيتها فى الحله الضغط مع شويه ميه لحد ما استوت
خرجتها وحطيتها فى الطاسه ومعاها حته دهن وهى دى اللى بتعمل الطعم الجامد للشاورمة وعليها البصل المقطع والطماطم والبقدونس المقطع وسبتهم شويه يدبلوا
كنت بقى عملت سلطه طحينه عادى وحطيت عليها كوب زبادى ودة بيعمل فرق فى الطعم
وعيش كيزر وعملت احلى شاندويتشات,,,,وحلينا بالبطيخ الساقع
